بحث عن

المطبخ / معجنات /

عجينة السمبوسة أو السمبوسك

 عجينة السمبوسة أو السمبوسك - هنا hana

المقادير :
كوبايتين من الدقيق
نص معلقه صغيره ملح
وكمية المية حسب ما العجينة تاخد

الطريقة :
هضيف المية شوية بشوية واعجن لغاية ما أوصل لعجينة متماسكة ومش بتلزق فى الإيد (هخدم العجينة كويس فى العجن مده ماتقلش عن ١٠ دقايق)

- بعد كده هغطيها واسيبها ترتاح لمدة ساعة
- بعدها بنشكله على شكل رول ونقطعه قطع متساوية (من خمسة ل ستة تقريبا) واكورهم واغطيهم واسيبهم يرتاحوا ربع ساعة كمان عشان يبقوا سهلين معايا فى الفرد.
- بعدها هرش على السطح بتاعى رشة دقيق وهبتدى افردهم واحده واحده ونراعى إن الباقيين " يكونوا متغطيين كويس" عشان مايعملوش قشرة وينشفوا منى .
- بعد ما افردهم كلهم ويكونوا كلهم مقاس واحد بقدر المستطاع وسمك الطبقة ما يزيدش عن ٢ ل ٣ ملم بالتقريب هحطهم فوق بعض وبين كل طبقة هدهن فرشة زيت خفيفة ورشة دقيق.
- وبعد ما ارصهم كلهم فوق بعض هبتدى اساوى الحروف بالسكينة واشيل اى زيادات.
- اخر طبقة من فوق ومن تحت هرش عليهم دقيق فقط ومش هدهنها بالزيت.
- هبتدى افردهم سوى بشكل دائري او مستطيل ، وهقلبهم كل شوية وافرد من الإتجاه التانى (يعنى مرة من فوق وبعدين اقلبها وافردها من الجهة اللى تحت) واراعى أنهم يتفردوا بالتساوي وما يخرجوش عن بعض.

لغاية ما توصل معايا لسُمك يكون بالتقريب نص سم
التسوية ...
????نستخدم صينية أو صاج الفرن ونحط اللى هنستخدمه منهم مقلوب على وشه على اهدى عين فى البوتاجاز من فوق ونسيبها تسخن.
????بعدها هفرد العجينة بتاعتى عليها لمدة دقيقة تقريباً لغاية ما ياخد اللون الغامق بتاع عجينة السمبوسة .
????بعدها نقلبه على الناحية التانية لغاية مايخود نفس اللون لمدة دقيقة برضوا تقريباً.
????بشيلوا على جنب واسيبوا يبرد تماماً عشان ماتتقطعش منى وانا بفصلها عن بعض.
????بعد كده بساوى الحروف واشيل الزيادات بالسكينة عشان تديلى شكل منتظم.

????هاقسامها مستطيلات متساوية بالطول بالحجم المناسب للسمبوسة
(هحطلكم صورة توضيحية فى التعليقات) وابتدى افصل الراقات عن بعضها واحده واحده واكون مغطى باقى الكمية عشان العجينة دى بتنشف بسرعه.
هكون مجهز الحشوة بتاعتى والفها وعلى زيت غزير ونقليها على طوول







انضم الينا الى صفحتنا على الفيس بوك من هنا

المواضيع المتميزة

احدث المقالات

الاكثر اعجابا